یہ میرا شہر وفا اور میں اکیلا آدمی

میرے لاکھوں آشنا اور میں اکیلا آدمی

ایک ہی سر ہے جھکا سکتا ہوں کس کس کے لئے

ان گنت میرے خد ا اور میں اکیلا آدمی

گھومتا پھرتا ہوں شاید مجھ سا کوئی آن ملے

غم کے میلے جا بجا اور میں اکیلا آدمی

اپنی تنہائی سے بھی ہوتی نہیں اب گفتگو

بے کراں قدِ اَنا اور میں اکیلا آدمی

اس کی رحمت کے ہزاروں در مگر وہ بے نیاز

میرے سو دستِ دعا اورمیں اکیلا آدمی

درد کے الہام نازل ہو رہے ہیں دم بدم

دل کے یہ غارِ حرا اور میں اکیلا آدمی

مل کے حوا سے کیا آباد اسے میں نے قتیلؔ

یہ جہاں میری عطا، اورمیں اکیلا آدمی

--

پاکستان آرٹس کونسل میں کہی گئی قتیلؔ شفائی کی معرکتہ الآرا غزل

ہم سنائیں تو کہانی اور ہے

یار لوگوں کی زبانی اور ہے

جو کہا ہم نے وہ مضمون اور تھا

ترجمان کی ترجمانی اور ہے

نامہ بر کو کچھ بھی ہم پیغام دیں

داستاں اس نے سنانی اور ہے

آپ زمزم دوست لائے ہیں عبث

ہم جو پیتے ہیں وہ پانی اور ہے

شاعری کرتی ہے اک دنیا فرازؔ

پر تیری سادہ بیانی اور ہے

--

احمد فرازؔ

'It's always an inside job', Laxman replied. 'First, the dacoits gave the police ten percent, then the police started demanding more, twenty, thirty, forty. Finally it was phipty-phipty. Then the police said, "Why let them do it when we can do it ourselves?" So now the off-duty policemen are the dacoits.'

--

Excerpt from "Stranger to History" by Aatish Taseer

"فریزر نے ان کے بارے میں جو تجزیہ کیا ہے وہ دوسری جماعتوں، فرقوں اور گروہوں سے انہیں مختلف کر دیتا ہے۔ مثلاً ان کے ہاں کوئی مذہبی طبقہ نہیں ہے، کوئی مذہبی کتاب نہیں ہے کہ جو ان کی اخلاقی قدروں کو متعین کرے۔ کوئی استاد اور راہنما نہیں ہے کہ جو ان کی نسلی روایات کی نگرانی کرے ان کی زبان کا کوئی ایک معیار نہیں ہے۔ ہمیشہ خانہ بدوشی اور گردش میں رہنے کی وجہ سے جہاں جاتے ہیں وہاں کی زبان کے الفاظ ان کی زبان میں آجاتے ہیں۔ خاص بات یہ ہے کہ واپس جانے کے لئے ان کی کوئی سرزمین نہیں، ہندوستان سے انہیں کوئی دلچسپی نہیں ہے، اور نہ ہی وطن کے بارے میں ان کے ہاں ناستلجیا ہے۔ یہی حال ان کا تاریخ سے دلچسپی کا ہے۔ کیونکہ ہمیشہ پھرتے رہتے ہیں۔ اور کسی ایک جگہ سے تعلق نہیں، اس لئے یہ کسی قوم یا سرزمین کی تاریخ کا حصہ بھی نہیں ہیں۔ نہ ہی انہیں اپنی تاریخ سے کوئی لگاؤہے اور نہ ہی ماضی سے اپنہ رشتہ بناتے ہیں۔ ان خصوصیات کی وجہ سے جپسی گروہ ایک ایسے کردار اور خصوصیت کا حامل ہے جودوسروں کے ہاں نہیں ہیں۔"

ڈاکٹر مبارک علی کی تصنیف "بدلتی ہوئی تاریخ"سےاقتباس۔